Құрметті жолаушылар!
Омбы қаласы маңындағы әуе кеңістігін пайдалануға енгізілген кезеңдік шектеулерге және рейстердің қауіпсіз әрі тұрақты орындалуын қамтамасыз ету мүмкін болмауына байланысты VIETJET QAZAQSTAN Астана – Омбы – Астана бағыты бойынша рейстерді уақытша тоқтатады.
Жолаушылар мен экипаж қауіпсіздігі Әуе компаниясының басты басымдығы болып табылады. Бұл шешім ұшу қауіпсіздігін қамтамасыз ету, сондай-ақ ұзақ кідірістер мен кесте өзгерістерінің қаупін азайту мақсатында қабылданды.
Рейстерді тоқтату мерзімі
Астана – Омбы – Астана бағыты бойынша рейстер 2026 жылғы 9 шілдеден 20 шілдені қоса алғанда дейін тоқтатылды. Кейінгі рейстердің орындалуы туралы ақпарат жағдайдың дамуына қарай жаңартылып отырады. Өзгерістерге ұшыраған рейстердің жолаушылары брондау кезінде көрсетілген байланыс деректері бойынша жеке хабардар етіледі.
Әуе компаниясы келесі нұсқаларды ұсынады
- Петропавл мен Омбы арасында автобус трансферін пайдалана отырып, Астана – Петропавл – Омбы және Омбы – Петропавл – Астана бағыттары арқылы балама тасымал.
- Бір брондау шеңберінде рәсімделген барлық пайдаланылмаған тасымал бөліктерін қоса алғанда, әуебилет құнын ешбір ұстап қалусыз толық қайтару.
- Сонымен қатар, тоқтатылған рейстің әрбір жолаушысына VIETJET QAZAQSTAN рейстерімен болашақ ұшуға арналған 10 000 теңге номиналды ваучер автоматты түрде беріледі.
1-нұсқа. Петропавл арқылы балама бағыт
2026 жылғы 14 шілдеден бастап Әуе компаниясы келесі балама тасымал нұсқасын ұсынады:
Астана → Петропавл (әуе рейсі) → Петропавл → Омбы (автобус трансфері)
Кері бағытта да осыған ұқсас тасымал нұсқасы ұйымдастырылады.
Трансфер туралы ақпарат:
Астана → Омбы бағыты
|
Кезең |
Уақыты |
|
Астанадан IQ-531 рейсімен ұшу |
08:00 |
|---|---|
|
Петропавлға қону |
09:20 |
|
Петропавл әуежайынан автобустың шығуы |
10:30 |
|
Омбыға келу |
Омбы Әуежайы |
Омбы → Астана бағыты
|
Кезең |
Уақыты |
|
Омбыдан автобустың шығуы |
00:00 |
|---|---|
|
Петропавл әуежайына келу |
Шамамен сағат 08:00-де |
|
Петропавлдан IQ-532 рейсімен ұшу |
09:45 |
|
Астанаға қону |
11:00 |
Балама бағытқа орын саны шектеулі. Брондау өтінімдер түскен сайын жүзеге асырылады.
Автобус трансферінің шығу уақыты жол жағдайына және шекаралық бақылаудан өту уақытына байланысты өзгеруі мүмкін.
Петропавл арқылы балама бағытты брондау үшін:
- info@vietjetqazaqstan.kz мекен-жайына «Петропавлдан Омбыға трансфер» тақырыбымен өтінім жіберіңіз, немесе
- VIETJET QAZAQSTAN байланыс орталығына +7 727 356 14 14 телефоны арқылы хабарласыңыз.
Біздің мамандар тасымалды рәсімдеуге көмектеседі және барлық туындаған сұрақтарға жауап береді.
2-нұсқа. Әуебилет құнын толық қайтару
Егер балама бағыт сізге қолайлы болмаса, VIETJET QAZAQSTAN рейстерімен орындалатын барлық пайдаланылмаған транзиттік тасымал бөліктерін қоса алғанда, әуебилет құнын ешбір ұстап қалусыз толық қайтаруға өтінім бере аласыз.
Қайтару әуебилет сатып алынған жерде жүзеге асырылады:
- билет VIETJET QAZAQSTAN сайтынан сатып алынған болса — Әуе компаниясының байланыс орталығы арқылы;
- билет турагенттік немесе онлайн-агенттік (OTA) арқылы сатып алынған болса — сатып алынған орынға хабарласу қажет.
Болашақ ұшуға арналған ваучер
Тоқтатылған рейстің әрбір жолаушысына 10 000 теңге номиналды ваучер беріледі.
Ваучерді алу және пайдалану тәртібі:
- ваучер әуебилетті брондау кезінде көрсетілген электрондық пошта мекенжайына автоматты түрде жіберіледі;
- ваучерді VIETJET QAZAQSTAN ресми сайтында (vietjetqazaqstan.kz) әуебилет сатып алу кезінде пайдалануға болады;
- ваучердің қолданылу мерзімі — субсидияланатын рейстерден басқа барлық рейстерге 2026 жылғы 31 желтоқсанға дейін.
